Xalqaro hamkorlik
Xalqaro hamkorlik va oʻquv jarayoniga xorijiy mutaxassislarni jalb etish:
Samarqand filiali hamkorlik aloqalarini yoʻlga qoʻyish uchun OTM bilan 6 ta, Samarqand viloyatidagi sport maktablari bilan 6 ta, Sport federatsiyalari bilan 22 ta xorijiy davlatlar bilan 6 ta, Samarqand viloyati musiqali drama teatri bilan 1 ta, A.S. Pushkin nomidagi Samarqand viloyat axborot-kutubxona markazi bilan 1 ta, Oʻzbekiston madaniyati tarixi davlat muzeyi bilan 1 ta va Samarqand shahridagi 1-9-23-24-65-umumiy oʻrta taʼlim maktablari bilan hamkorlik shartnomalari tuzildi.
Samarqand filiali bugun koʻplab xorijiy davlatlar bilan hamkorlik aloqalarini olib bormoqda. Jumladan, 2025-yil 21-fevral kuni “Malayziya Putra universiteti” professori Roxana Omar Samarqand filialiga tashrif buyurdi hamda Roxana Omar “Umumta’lim maktablarida jismoniy tarbiya fanini tashkil qilish” mavzusida ma’ruza qildi, 2025-yil 17-mart kuni Moskva shahrining “Moskva davlat sport va turizm universiteti” davlat avtonom oliy ta’lim muassasasi prorektori Leonteva Mariya Sergeyevna tashrif buyurdi.
2025-yil 2-aprel kuni Samarqand filiali va Litvaning Klaipeda universiteti o‘rtasida xalqaro memorandum imzolandi. Ushbu tadbir doirasida Litvaning Klaipeda universiteti professori Asta Sarkauskiene tomonidan “Talabalar sportini ommalashtirish, mutaxassislar tayyorlash jarayonlarini samarali yo‘lga qo‘yish” mavzusida hamda sohaning boshqa jihatlari haqida ma’lumotlar berildi. Professor Brone Svitriene esa “Talabalar bilan raqsga asoslangan mashqlarni tashkil etish, ualarni tayyorlash va jismoniy faollik masalasi”da fikr va mulohazalarni bildirib o‘tdi.
2025-yil 31-may kuni filialga Hindistonning nufuzli Bombey texnologiyalar instituti professori Dr. Azizuddin Khan tashrif buyurdi. Uchrashuv davomida ikki ta’lim muassasalari o‘rtasidagi o‘zaro hamkorlik aloqalarini yangi bosqichga olib chiqish, professor-o‘qituvchilar uchun psixologiya, sport psixologiyasi kabi yo‘nalishlarda Hindistonda ilmiy stajirovkalarni tashkil etish, shuningdek, filialda zamonaviy “Psixologiya xonasi”ni shakllantirish bo‘yicha muhim kelishuvlarga erishildi.
